أنا خايف
بقلم الشاعر / سليمان خطاب
أنا خايف يا حبيبتي ماتقوليش.. اني جبان
ما انتي كمان خايفة
الخوف جوانا وبرانا وع الرصيف.. الوان
عارفه ولَّا مش عارفه
بُصِي على توبك وف جيوبك.. وع البيبان
شايفة ولَّا مش شايفه
الموت بيسرح ف الشوارع.. وف الميدان
بيحصد فينا بالعافيه
انا خايف اشوف بكره.... ع الشجر دبلان
ف حضن شمس مش دافيه
انا مش جبان لأ يا حبيبتي .......انا إنسان
عاشق للسما الصافيه
وغنوة طير بتطرح خير..... على العيدان
والضله للعرق كافيه
وضحكة طفلة متعطرة...... ف سكة امان
والخطوة للامل وافيه
انا خوفي ف حروفي ..وجوَّا القلم هربان
حتى السطور حافيه
يا دم سايل وفاير ف عب التراب.. بركان
والايدين عنا مش خافيه
يارب الكون جمعنا ملعون يا قلب شيطان
مصر حبيبيتي باقيه
وساقية ف المدي تروي غصون وغيطان
واشوفك تاني راقيه
*************************
بقلم الشاعر : سليمان خطاب
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: