يارب والباقي أنت تعلمه **بقلم أمل حلمي **

في 5:49:00 ص مرسلة بواسطة الشاعــــرة زينب رمـــــــــانه

نفسي اصحى يوم الصبحِ القى نفسي بقيت حد تاني
القى نفسي شايفه طيِبة شايفه عيون كلّها فَرح وأماني
القى نفسي حد مش مستني بِكره حد بيعدي المحال

حد فَوق الخيال حد مبيقلقش مبيخافش من كلمة الحق

وبيقول للباطل ميت الف لا

حد مش مهم يعيش بس المهم يموت وسايب ذكرى

جميله أو فكره جليلة لكل جيلِ جاي

نفسي قَبل الزمان ما يتغير ويغيرني

واصحى القى حلمي شيء مستحيل

نفسي أحس إن نهاري اتغير ولَيلَي بقّى شيء جميل

نفسي أكون نَبضه حنانِ للكونِ تحيي شيء جوه البشرِ مستَحيل

نفسي يتحقّق بِنَفس ملامحي قَبل ما الشيب يظهر فَوق الجبينِ

يتحقق اماني بِنَفس احساسي قَبل ما يموت جوايا الرجا

نفسى أكون أنا حد تانى حد عمره ما كانِ أناني

نفسي أكون طيف يلون زماني

أكون بِسمة وأمل وروح شفافه عفيفة

نفسي بِجد اصحى من النوم القى نفسي بقيت حد تانى
نفسى؛
أمل حلمــى؛
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
abuiyad