سعديه والثوره............ بقلم/ محمود العيسوى في 5:50:00 ص مرسلة بواسطة monaelqlob

سغديه والثوره (قصه و قصيده _ بقلم محمود نبيل العيسوى )
ـــــــــــــــــــــــ
سعديه صحيت من النوم فى يوم وفتحت البلكونه عشان نور الشمسيملى بيتها المتواضع ... بصت من البلكونه شافت ناس كتييييييييييييييير بتجرى وماسكين اعلام وورق .. ولابسين اقنعه ولافين شيلان على وشوشهم
طلعت تجرى سعديه قالت لجوزها الحق فى زحمه معديه ... قوم ياراجل روح معاهم يمكن يوزعو لحمه هاتها وتعالى بسرعه ...
الراجل ياعينى من لوعته بقاله شهر مكلش لحمه قام برعه وخد سلاليمه فى خطوه ونص
ولقى ميكروباص بيقول تحرير تحرير تحرير ... ركب الراجل وقاله نزلنى فى زحمه اللحمه ياسطا ... السواق قاله انها مش هقدر اروح لغايه هناك انا هنزلك على مطلع كوبرى قصر النيل وانت كمل ... قاله ماشه نزل خدها جرى وجلاليبه فى سنانه ... اول مادخل فى الزحمه بص ... لقى ناس بتجرى ورصاص فيهم بيترص ... وشباب ماسكه طوب وبتضرب فى العساكر والعساكر بتصد رد فيهم بالمسيل ...
سامع صوت ناس بتقول ارحل ارحل ارحل ... افتكرهم بيقولو للجزار

الراجل نده شاب بيقوله يابنى سيبوه يوزع متخليهوش يرحل رد الشاب وقاله انت تقصد مين ياعمى قاله اقصد الجزار سعديه قالتلى انه جاى يوزع لحمه ..

رد الشاب على الراجل امشى خد بعضك واخلع ياحاج احنا جايين اهنا نمشى النظام ومش راجعين ...
الحاج بص فى الارض وبكى ومشى ياعينى مكسوووور ... روح خبط فتحتله سعديه ادخل ياراجل مالك اتبهدلت ليه وهدومك اتقطعت وفين اللحمه ده انا مجهزه الطشه والخضار اتسلق ...
الراجل من كسفته بكى تانى ودخل على اوضته واتصدم ونام الراجل على السرير 3 سنين مستنى لحمه وكل يوم يقولو فى مظاهرات بس مافيش لحمه للمظاهرات بتخلص ولا فيه فى الزحمه لحمه ... 3 سنين عايش ومقهور لحد مامات من غير ما ياكل لحمه ...

وبردو لسه فى مظاهرات ....
======================
سعديه صحت جوزها بتقولو قوم اجرى
بيقولو فى مظاهرات
يمكن يوزعو لحمه
قوم الحق وهات
ده انا شايفه الدنيا زحمه
رجاله وشباب وبنات
===========
جوزها يعينى قام مفزوع
خد السلم فى خطوه ونص
اصله خلاص انداس من الجوع
وعايش على الفول والعدس
راح ياعينى على التحرير
لقى ناس بتجرى وناس فيها الرصاص يترص =
======================
مخافش اصله نفسه يشوف لحمه
وداير يسال
هى فين ؟
بقالى سنين مش طايلها
وسامع ناس فى وسط الزحمه
بتقول ارحل
وهو يعينى يقول مترحلوهاش
انا اصلى عاوزها

نادى على شاب وقاله هو فين
الشاب رد مين ؟

قاله جزار هنا جايب لحمه بيوزعها

الشب ساده الانبهار
مفيش ياحاج هنا جزار
احنا هنا بنهتف ضد النظام
ومش راجعين مهما تكتر النار
==========
رجع الراجل لمراته متبهدل
قالته مالك ؟
ايه اللى صابك ؟
وفين اللحمه
دى الطشه على النار
وانا مستنياك وقولت مش هيطول
فغليت الخضار
===========
مردش عليها سؤالها
من الكسوف !!!
دخل على سريره من التعب
حتى النوم مجالوش من الخوف
مستنى يسمع الاخبار ويشوف
يمكن يكون فيه لحمه
ويمكن كلام شاب كلام
لكنه فتح تلفزيونه
لقى الشاب ياعينى متشال وملفوف

سعتها بس اكتشف ان اللحمه مش لحمه بهايم
دى لحمه شباب كسرو باديهم الخوف ..........

============================
بقلم / محمود نبيل العيسوى

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad