*** خايــف عليــك يا ولــد ***** بقلم الشاعر / سيــد الدابــى الابنوبــى

في 8:53:00 ص مرسلة بواسطة Azza

***** خايــف عليــك يا ولــد ***** بقلم الشاعر / سيــد الدابــى الابنوبــى
فى المبتدا .......
خايف عليك يا ولد
من حاشية غدارة
السهرة ع المصطبة
بشيشة وسيجارة
كرر على سمعهم
بقبضة جبارة
اللى مش قادر يصونها
يرحل يا وزرا بخسارة
**********************
الصلاة علينا فرض
وانتو مش فرض علينا
ولا انبياء ع الارض
نفديكم بدمنا وعينيا
انفرطت المسبحة
وانكشف اللى بيحصل لينا
اتارينا عايشين فى سوق
يبيعوا ويشتروا فينا
الميه متلوثة
بنشربها بالقطارة
والزرع مات وانحصر
بين مبنى وحجارة
واعلام ضدد البلد
ممول بالف امارة
والتعليم منظومة غلط
خروف على حمارة
يا صحة مستشفياتك عدم
تدخل سليم بالقدم
تخرج اعضائك فى طيارة
سقف السياحة اتخرم
نقلوها شارع الهرم
مع كاس فى خمارة
رغيف العيش اندثر
مسامير على نشارة
عايشين الحياة بالذل
بتمر ايامنا بمرارة
فين العدل بين الخلق
وللا من دمكم ولّ
ناس فى الحياة عايشين
فى قصور متهنين
وهناك بسطا ومعدومين
عايشين الحياة فى خلّ
وكمان سيادة الأمين
تعاتبه ع الحق بكلمتين
يقولك متعرفش انا مين
برصاصه على القاعدين
قال ايه عدّى الحدود
سعيده على مسعود
متهددين يا خلق
وحاجات كتير ع البال
تتغنى بميت موال
لو شجر النخيل مال
ما ينعدل لنا حال
اتمنى نمد الايد
نبنى ونتوحد
ونكسر شوكة اللى يعادينا
قطر وقناتها الحظيرة
والكلب اردوخان
وامريكا والخرفان
********************
خايف عليك يا ولد
من حاشية غدارة
السهرة ع المصطبة
بشيشة وسيجارة
كرر على سمعهم
بقبضة جبارة
اللى مش قادر يصونها
يرحل يا وزرا بخسارة
***********************
امضاء / سيد الدابى الابنوبى
تعليق
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
abuiyad