رباعيات أبو حجر : صـــوت القلـــــم : للشاعر / رءوف حجر

في 7:25:00 ص التسميات: مرسلة بواسطة Unknown


ـــــــــــــــــــــــــــــــــــــــــــــــــــــــــــــ
صهـلل يا صوت القلم وقــــــــــول بصـــوت مسمــــوع
مش راح تموت م الوجـــــع ولا راح تمـــــوت م الجــوع 
إنــده محمـــــد نبــــــــــينا و إنـده وقـــول يا يســــوع
لملــم ولاد البلــــــــــــد من كل درب ونـــــــــــــــــوع
واحكى و قول يا قلــــــــــــم عن قلبــــها الموجـــــوع
أنا عينى شافت فى المـــــــــنام جثـث و مقتولـــــــه
مرميـــــه متبهدلـــــه و ما فهمــــتش الفولــــــــــــــه
و عروســه شايلـــه إبنــها و خــدَها كالـــــــــــــــــدم
تضـحك و تبـــــــكى خللــها و تشـــــــــكر إلاه منعــم
قــــوم يا شهـــــيد الوطن و ارجعلـــى بعيالـــــــــــــك
حالفيـــــن لياخدوا التــــار ف ذكرى يوم إغتيالــــــــك
كان ايه جرالك يا وطن ....
ما تقوللـــــــى كان أيـه جرالـــــــــــــــــــــــــــــــــــك
هناك فى طابــــا ....
عريس ولابـــس بدلتـــــــــــــــه رايـــــح يسلمـــــــها
و جُــم خسايــس حتتـــــــــــــــــه وكتفــوه يومـــــها
مقدرشـــى يزعــــق يا بلـد وراح مسلمـــــــــــــــــها
حرام عليكــــــم ده عمره كان للــه مسلمـــــــــــــها
و ف مسطـــــــــرد ....
عريس مصلـــى الفجـر والميـــــــــه على رجلـــــــــه
متحنـــى لون الدم فرحــــان عشـــان عملــــــــــــــه
الله أكبــر نطقــــها و أخـــد العويــــــل أجلـــــــــــــــه
ومات مصلى وشهيــد لما الخسيــــــــس قتلـــــــــه
وغيرهـــــم كتيــــر يا وطـــن راحوا و ما سمعــــناش
شرطــه وجيــش أبطــــال قتلوهـــم الأوبــــــــــــاش
و أبو الشهيد مظلـــوم قاعـد بيلطــــــم خـــــــــدوده
إوعاك تعيـط يا بويه إبنــــــــك حمـــى حـــــــــــدوده
شــــرًف جـــــــدوده و إتحــــــنى بطـــول عــــــــوده
وفــــــر دموعــــــك يا ابويــه وادعى ف صـلاة الفجــر
على اللى مات مظلـــوم وراح ف لحظـــــــــة غـــــدر
و حق رب كريــــم لبكــــــره ييـــجى النصـــــــــــــــر
ونخلى صوت الخســــــــــيس ينطق باسمك يا مصـر
بكره نشــــوف بسمـــتك منـــــــــوره خــــــــــــدودك
لما تشدى الحيـــــل ونشــــــد لك عــــــــــــــــــودك
و تقومى تانى يا مصر ....
وأحلف بإسم اللــــــــــــه ... هتقومى تانى يا مصــر


تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
abuiyad