من ديوان العاميه قصيده بعنوان (رحله وحكايه) بقلمى .......محمد مغاورى | مجلة بيت الأدباء والشعراء

من ديوان العاميه قصيده بعنوان (رحله وحكايه) بقلمى .......محمد مغاورى

في 1:42:00 م التسميات: رئيسيه, شعر مرسلة بواسطة Unknown

من ديوان العاميه

قصيده بعنوان (رحله وحكايه)

بقلمى .......محمد مغاورى

___________________________

أنت والأوهام طريقه

بيها عدىّ الليل مداه

مره هدّى

ومره ودّى

كل فكره جوه منّا ف اتجاه

وانتباه الضلمه لينا

لما جينا جوه بيت الحلم نحلم

إن بكره يكون طريقنا. .

ويصادقنا منتهاه

خلّى لينا الدمعه فينا

تكون حزينه

وف عنينا الليله أطول من الحياه

داأنت ليك الشوق رمانا

وانت خانه

فيها تاهت كل سكه للنجاه

لو عرفنا تانى نرجع

صعب نرجع

بعد ماسابت جروحنا

جوه روحنا إسم واحد

يوم عشقنا

ضيع العنوان وساقنا

وإن سبقنا العمر يزرع

جوه منا ألف رعشه فى الخطاوى

والغناوى

تبات حزينه ف توبها زينه

راسمه لينا

ألف خطوه

فيها عايشه كل رحله بألف آه

.....................................

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

إذا أعجبك الموضوع ،شاركه مع أصدقائك

0 التعليقات:

إظهار التعليقات

:))Blogger ;)) ;;) :DBlogger ;) :p :(( :) :(Smiley =(( =)) :-* :x b-(:-t8-}

جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).