عاشقة السكات
كلمات
بعشق حتى دوشته
صمته يحيى الممات
حافظة طريقه وسكته
لاجل ما توصل
ارسم فــ بالك خطوته
مطلوب منك تهئية لمقابلة حضرته
خطوة اولى
نفسك شهيقه يطول
والزفير يحصل بصوت
وان تعبت من النفس
لازم تقول
مفيش جوة الصمت موت
ما اصل التراب عشش
يابنى على وريدك
الحزن اتحوش
والوجع بيزيدك
انفض يا واد انفض
اشجانك وبأيدك
شيد اوام يابنى
اسوار فرح تحيدك
خطوة تانية
ارجع بضهر الذكريات
واسند قلبك ع حيط
اقرأ الفاتحة ع اللى مات
اعمل طيارة ورق
من الحزن فــ أخرها خيط
طيرها لسابع سما
وارسم بيها شخابيط
خطوة تالتة
فوق جناح طيرتك طير
وامسك نفسك بحبال الحلم
قرر ان التغير
هيجيلك كما صياد
لرزق البحر بيلم
لكنك قرر
خطوة رابعة
فــ عز ما انت فوق
اوعاك تبص لتحت
ارسم محيط مشقوق
حس نفسك كنت اعمى
وفجأة فتحت
اغرق جوة الحياة
وشوف شمس غايبة
ف حالة شروق
أسكر من خمر الحالة
وعيش فيها واوعى تفوق
خطوة خامسة
ازحف بسرعة البرق
جوة السكوت الهادى
حس بأى فرق
من غير همس على نفسك نادى
راح ترد عليك
ولكنك اصم متسمعهاش
هتلمسك وتحس بوجع الحرق
من كتر الغيبة متعرفهاش
عاتبها وكأنها تستحق الشنق
لكن انك اصل الغلط متنساش
اخر خطوة
اسحبها من جواك
اطلع بيها للدنيا
لساك ساكت
خلى عينك شايفاك
واتملى فــ النظرة
ما كل الحكاية انه
روحك فــ السكوت باتت
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: