جربت
بقم محمد انور
(1)
جربت شعور واحد بيشوف الدنيا
بلون أَسود من لون الليل
جربت شعور واحد مسجون داخل روحه
وعصاية فى إيده بتبقى دليل
جربت شعور واحد أعمى؟؟!!
بيخاف يتحرك فى النور
الدنيا بانت لك شىء مكسور
بتخاف مـ الضلمة ..!!
(2)
جربت شعور تدعى لواحد
علشان يديك من جيبه جنيه
جربت شعور تمشى فى شارع
حسنه يا هانم حسنه يا بيه
جربت شعور واحد شحات؟؟!!
كرامته بقت همه الأخر
الدنيا بانت لك شىء ساخر
بتخاف مـ الفقر..!!
(3)
جربت شعور واحد محنى
مش قادر يمشى بدون عكاز
جربت شعور إنك تشبه
لـ بواقى إزاز
جربت شعور واحد عجّز؟؟!!
بقى يشبه روبابيكيا قديمة
الدنيا بانت لك بلا قيمة
بتخاف مـ الشيب..!!
(4)
جربت شعور وإنت بتستنى يذيعوا ميت
ولقيت الميكروفونات بتقول اسمك
جربت شعور الروح خارجة
من بين طراطيف رعشة جسمك
جربت شعور واحد ميت؟؟!
وفى إيه بيفكر لحظتها
الدنيا بانت لك ساذجتها
بتخاف مـ الموت ..!!
(5)
لو لسه مجربتش حاجه
وبتشكى إنك حد حزين
جرب إحساس واحد فيهم
وفولى هتختار تطلع مين
خايف من إيه..؟؟!!
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: