
فى ضى ليلك
الليالى كلها وسنين طويلة
مر بها قلبى أنا بشوق وحيرة
شوق للعيون العسل برموش طويلة
والحيرة فى الزمن غيابك أنت
أنت السعادة و الأمل والدنيا تحلا
محلاك أنت يا هوى وف عز ليلى
أسهر وأحلم بالهنا يمكن يجينى
وأتهنا لحظة بقربها وتفرح سنينى
عاشق غرامك يا قمر وف ضى ليلك
فارد قلوعك كلها جاى تنادينى
وتقول حبيبى أعشقك ياكل سعدى
من الليالى وحبنا والسهرة تحلا
نحلم نحس ببعضنا ف ضى نورك
نعيش مع ضى القمر ايه جنب نورك
تظهر نجوم السماء وأحس انك
كل السعادة كلها ساعت قدومك
ساعت ما أشوفك وألمسك بكف ايدى
وأخدك ف حضنى و أفتكر شوقى بسنينى
وأنسا الألام كلها وأفرح ما أبكى
ما أنت السعادة كلها والكلمة تكفى
أغمض عيونى أحسها بالقرب منى
و أهجر سنين أنا عشتها سهران لوحدى
ياكل حب انكتب بحبك أنت
سهران وعاشق بسمتك فى ضى ليلك
0 التعليقات: