عصفور النيل بقلم الشاعر/ سليمان خطاب في 4:32:00 م مرسلة بواسطة Unknown

عصفور النيل 
ابو رمش كحيل المتعايق
كمشان ف الريش
دبلانه الغنوه على صوته
ومش طايق ع الشط يعيش
ولا قادر على حلمه يشيله
ولاقادر يهرب ما يجيش
عطشانه ف عيونه النسمه
والدمعه ف عينه ما ترويش
وجناحه ف عشه بيعافر
والرحمه ف الجرح مفيش
والموجه ف النيل بتهاجر
ومراكبى شغَّال درويش
بردانه شمسك يا بلادي
أصل الدم ما بيدفيش
بكره الليل المر يسافر
واسمع صوت سيد درويش
بلادي بلادي بلادي
ونهارك ع الخد شاويش
يحرس ف عنيكي الضحكة
ولاعتمه ولا خفافيش
وعصفور النيل المتضايق
راح يرجع تانى ويتعايق
ومراكبي ح ينادي شباكه
ويلاقي ف جيوبها العيش

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad