احلام الفتى الطيب ................... بقلم محمد الصادق ندا | مجلة بيت الأدباء والشعراء

احلام الفتى الطيب ................... بقلم محمد الصادق ندا

في 8:41:00 م التسميات: رئيسيه, شعر مرسلة بواسطة Unknown

احلام الفتى الطيب

...................

بقلم محمد الصادق ندا

انا حلم حياتى اكون دكتور

أيوه يابويا.. اكون دكتور

والبس بالطو الطب الابيض

ويكون وشى منور وابيض

وامشى اداوى جروح الخلق

وكل مريض لما اداويه...

يبقي بصحه وزى الفلق

**********

وحلم حياتى.... اكون مهندس

ايوه يابويا..... اكون مهندس

وامشى بخفه واعيش متهندس

وابنى لبلدى...احلى عماير

من غير عمدان ولا حتى اشاير!

************

وحلم حياتى.... اكون فلاح

ايوه يابويا....اكون فلاح

وازرع فلفل... او تفاح

حازرع ارضى وارضك يابا

من اول توشكى لغاية طابا

يعنى اطمن طول ما انا وياك

مش حنعيش غير برض غلابه!

**********

عارف يابا انا نفسى ف ايه

بجد....بجد

انا زى الطير بجناح مكسور

وكل منايا اعيش مستور!!

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

إذا أعجبك الموضوع ،شاركه مع أصدقائك

0 التعليقات:

إظهار التعليقات

:))Blogger ;)) ;;) :DBlogger ;) :p :(( :) :(Smiley =(( =)) :-* :x b-(:-t8-}

جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).