المحسوبيه بقلم / محمود العيسوى
اللى اتولد فى العز والترفيه
عمره ما يحس بفقييييييير
الزمن غالبه وجاى عليه
ومش عارف لولاده مصييير
تعبان ياعينى من التفكير
وفى سوق الحياه كانه ضرير
لا بيشوف ولا بيسمع
ولا عارف ايه اللى يصير
=============
اللى اتولد وابوه قاله هكلمك فلان
وطول منا عايش اوعاك تكون قلقان
ده انا اعرف الباشا فلان وعلان
فمتزاكرش وهتنجح
وكفتك فى الدنيا هترجح
وادخل فى اى صراع
هبعتلك عمك فلان وهتربح
==============
وعندنا فى مصر اخلاص محسوبيه
الواد يدوب يطلع من الثانويه
مجموعه اى كلام فى الميه
ودماغى دى طباله لغزيه
فى فرح عمده ابنه دكتور فى كليه
خد ولدى ياعمده اهه طبل لما تعب
قول لدكتورنا اتوصى بيه جامد
ده ابوه فى التهليل ياما غلب
وطول عمره على اعتابنا كان قاعد
فمتكسفوش اصله من رجالتى
خد ابنه وخليه معاك طالب لو ما طلب
============
سنه والتانيه والتالته يطلع ظابط
تعرف ايه انت فى الحساب
يقول انا كنت زمان بعد المرابط
لابويا وجدى فى الغيط
ودلوقتى مكتبى لازم يبقى ورق حائط ..
وديكور فى السقف
ده انا ياما شبعت سكف
وزيطه لابوك العمده فى الانتخابات
اضرب ياغلبان الكف على كف
وقول خلاص العدل مات
================
يلا مادتشى العمده صوتك
تستاهل حرقك وموتك
ازاى حاجه زى دى تفوتك
مش هيفيدك يابنى نضالك
انت يدوب تعيش بسكوتك
ولا نسمعش صوتك
ياما تجيب ممتاز
وتاخد شهادتك
وتقعد فى بيتك
اصل ابوك غلطان .. غلطان
رباك على الحق من زمان
علمك انك تبقى انسان
مش ديب غيطان كداب
تقعد تهلل للكلاب
علمك تعمل لبكره حساب
بس خساره عبيط
نسى انك عايش فى غيط
الديب هو اللى بياكل غنم
والغنم يا عينى ملوش ديه
وهى دى مصر المحسوبيه ....
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: