مازال العمر بيعاند/ومستنى بقلم /هاجر تونى في 4:52:00 م مرسلة بواسطة Unknown

 

مازال العمر بيعاند/ومستنى

بقلم /هاجر تونىمازال العُمر بيعاندْ / ومستنى
تملى الفرصة تعادينى / ومستنى
بلاقى سمايا تواسينى
والمطرة .. بتغسّل ف شرايينى
نجوم الكون طَفِتْ نورها / تعزّينى
على ليلك اللى النهار ...... دفنه
واللى الهوا حامل .. نسيمْ عَفنه
واللى الكلام قبره , والحروف كفنه
وانا لسه مستنى ..
رغم إن العزا منصوب فـ السما
وإن النهار صــــــــــابه العَما
شرّع فــ قتله الليلْ ..
سهران لَــ يكتب ملحمة
يهجى النهار فيها ....
جه النهار بعد عِراك الليلْ
ندّى على صدرى وبكا
لملم آهات العصافيرْ
والسهرانيينْ
والعاشقينْ
متحوّطين بسلاح سهرْ
دام العراك وانا لسه مستنى
أصل الأمل جانى يواسينى
فحبّنى ..
و أخدنا وعد ما نفترق
علمنى كيف الاشتياق
و إن الأمل لو يتسرق
إزاى أهاجم فــ الفراق .. !
وإن الأمل مهما بِعِدْ .. هيجينى

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad