للناس / للشاعر / محمود العيساوى في 2:17:00 م مرسلة بواسطة Unknown

للناس (عاميه)
............

للى فاكر حلمى هيضيع .. مش ضايع
انا مشيت مشوارى هيكمل ومش راجع
هحارب وهوصل للى حلمت بيه
وهسمع صوتى لكل اللى مش سامع
............
واللى انسحب من حياتى مع اول مطب
بقوله انا من غيرك هكمل
روح مع السلامه انا بنفسى هبنى حياتى
ومهما اقابل من مصايب انا هتحمل
منا عمرى ما قتلنى حنين الحب
وطول ماحلمت بطريق اكيد انا هوصل
..........................
مع الزمن انا عمرى ماكنت ضعيف
مع ان عذابه عمره ماكان خفيف
بس كل ضربه بتقوينى للى بعدها
وعمر الالم ماكان ليا مخيف
متحاولش تشوف انى هموت
او حتى هعجز عن طموحى
ده انا عمرى ما حبيت السكوت
لو هاجى بكلامى على روحى
وفى عز الوجع بسرخ باعلى صوتى
واقول مش تعبان انا من جروحى
.................................
وانت اللى اخترت تساعدنى
انا بس كملت بيك عددى
وعالحلوه والمره كنت مواعدنى
وعشت الحلوه ومع المره رضيت بعدى
يبقى روح ومتفكرش تانى تعاودلى
ومش عاوزك لو جتلى متفكرش ترجعلى
............................................

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad