.واحد من وسط ألف ... بقلم / محمد أمين مطاوع في 11:19:00 ص مرسلة بواسطة Unknown

...................واحد من وسط ألف ...................

بقلم / محمد أمين مطاوع 

في مره كنت قاعد ............ بتابع الأخبار

لقيت قدامي مارد ........... عنيه بتطق شرار

.

قالت لي انزل اتمشى ............... انا نفسي في الفشار

وكمان عايزه اتعشى ............... وهات لي لمون وخيار

.

قلت اقصر الشر .............. وانزل يا واد من البيت

وبالمره فوت عالبحر ......... ويبقى اسمي اتمشيت

.

وفجأه وانا ماشي ................. راح خابطني تاكس

واتفتحت من الخبطة راسي ......... اتاريه كان ماشي عكس

.

راح باصص لي وقالي ............ بص وراك يا حمار

وسابني سايح في دمي ........... وكمل المشـــــوار

.

والناس بقت تتهرب .................. وانا واقع على الارض

ومحدش فيهم قرب ................. وفضلوا يبصوا لبعض

.

جه واحد بطوله ............. وقالي اوعي تخاف

وقوام طلع محموله ............ وقوام طلب الاسعاف

.

ردوا عليه وقالوا له ............. قدامنا كمان ساعتين

احنا اليوم بطوله ................. عند بتاع البنزين

.

واخدني معاه على عينه ................ وعالمستشفى وداني

قاموا هناك ماسكينه ............ وقالوا له انت الجاني

.

اتاريها مستشفى حكومي ............ وفضلت ساعة أتعذب

سرقوا الساعة وهدومي ............ وجيبي كمان اتقلب

.

قلت له يالا شيلني ............. وياريتني هنا ما جيت

ويالا بسرعه خدني ............... وديني قوام عالبيت

.

قالي لأه تعالى ................ حنروح مستشفي خاصة

د انت حالتك حاله.............. وأتاريها للدم ماصة

.

قلت له يا دكتور خيط ............... وبعدين ابقى حاسبني

وفضلت ساعة اعيط .............. وفي الاخر راح كارشني

.

وفضلت في دمي سايح ................... ومحدش راضي ياخدني

وفي واحده دخلت طايح ................. من الرعب قاموا معالجني

.

قلت له يالا كفاية .................. عالبيت وديني قوام

أنا تعبتك معايا .................. متشكر اوي يا حمام

.

ولما وصلت الشارع ............... لقيت النور مقطوع

أنا ساكن في التاسع ............... وحطلع دور دور

.

ورجعت بايدي فاضيه ................... وطول السكة بادعي

ماخدشي منها القاضية ............... ولا اتعلق من رجلي

.

ولما دخلت عليها .................. قامت راقعه بالصوت

وحدفتني بالي في اديها ......... وقالت لي يا رب تموت

.

من الخضه أنا صحيت ................ اتاريني كنت بحلم

وفرحت ان أنا في البيت ............... وقلت يا رب سلم

.

وفجأه لقيتها قصادي ................ عايزه خيار ولمونه

واتشجعت المرادي................. ورميتها من البلكونه

.

ده بقه حال الناس .............. من غير دوران ولا لف

والي عنده احساس ................ واحد من وسط الف

واحد من وسط الف .............. واحد من وسط الف

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad