دنيا التلاهى والملاهى والضياع وسط البشر
دنيا الغيوم والهموم والعذاب والخيانه مع القدر
أرواح تموت داخل أسود فى لحظة ضعف ما تنغفر
وكيان يضيع من غير حساب وليه الرجوله بتنكسر
وليه الحياة مش حياة بلون جميل نحلم نعيشها ما ننقهر
ب ايدينا نظلم نفسنا ونقول كلام ونفضل ننعى همنا ويا الغرام
والعمر ضاع مننا والفرح تاه والحزن يسكن قلبنا يا ألف أه
والظلام يغطى ع العيون يعمل غيام مانشوف بدور لا نجوم ولا ابتسام
ونعيش حياة العاشقين من غير أمل من غير كلام ولا انسجام
والغلطة هى مننا وصدق ال قال روح يسامحك ربنا على كل حال
والعيون سالت دموع من الكلام ملعون أبوك يازمن ويا الغرام
صعبان عليا حبها بيروح بعيد ويغضب منى قلبها وايه يفيد
انك تحب وتنجرح وتعيش شريد ويمكن هى قلبها عاشق بعيد
حان الرحيل ولملم شباك الهوى وبدون رجوع
وامشى بطريق الوداع وسط الجبال من غير ظهور
وبدون بدور بالسماء هتشوف ضباب ما تشوف نجوم
ما تشوف قمر غير الظلام وسط الرمال وسط الصخور
تلقى الرياح ويا العواصف بترمى فيك وسط الجبال
وسط الأفاعى والذئاب وسط الغابات وما فيش رجوع
ومين يفتكر انسان حزين عايش وحيد من غير أمل
خطفة الغرام وراح بعيد ولعب بحياتة الزمن
حان الرحيل حان الذهاب كاتب حكايتك يا قدر
هو النصيب أموت هناك وسط الغبات ولا أموت ياناس زى البشر
بقلمى أنا : محمد عمران
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: