العيديه .............. بقلم/ محمد امين مطاوع

في 10:58:00 ص التسميات: مرسلة بواسطة monaelqlob

.................. العيديه .................... يحكي أن رجلا قال: أبلغ من العمر أربعين . ولي أربع من البنات والبنين .حلوين وصغيرين وفي يوم الوقفة . والناس علي دماغها واقفة الي بينضف في بيته . والي بيجيب هدوم عيده والي بيدور عالخروف . والي عالعيديه ملهوف وفجأه وانا مع مراتي بتكلم . جالي صوت عالي من السلم اتاري ابويا بينادي . بيقولي نزل لي ولادي اصله يبقى جدهم . ودايب هو في حبهم قلتله ليه يا بويا . قالي نزلهم ياخويا عايز اعيد عليهم . وأبوس راسهم وايديهم رحت قوام ملبسهم. ولجدهم رحت منزلهم ونزلت أنا وياهم . علشان أعيد معاهم وقفهم جدهم طابور . وعيد عليهم بالدور وصرخت في اعماقي صرخه مدوية . ليه يا بويه نسيت تديني العيديه هو أنا مش ابنك ولا إيه . اديت العيال ونسيتني ليه لو اديتني يا بويا جنيه . حكون فرحان ومبسوط بيه الموضوع مش موضوع عيديه . انما احس انك حاسس بيه وطلعت وأنا مهموم . وقلعت من عليه الهدوم وحكيت الحكايه لمراتي . قالت لي ماتزعلشي يا حياتي وفجأة الباب خبط . دي العيال طالعه وبتزقطط ولقيتهم واقفين قصادي . عايزين عيديه المرادي قلت يا واد فرحهم . واديهم وابسطهم دي اول مره ياخدوها . وعمرهم ما طلبوها رحت موقفهم طابور. وعيدت عليهم بالدور اتاري مراتي كانت وراهم . جرت وقفت في الدور معاهم قلت دي اكيد بتهزر . ومين بياخد لما يكبر اتاريها عايزه هي كمان . قلت أعوذ بالله من الشيطان ونسيت احساسي الي حسيته .والي عن ابويا داريته صرخت هيا بصوت عالي . قالت لي العيديه يا غالي قمت قايم ومطنش . ورحت علي الشات أدردش قامت قاطعالي سلك النت . وكان اليوم عليا زفت قالت لي يا الدبح يا الدفع . معرفتش ساعتها اعمل سبع وخرجت من الشقة في ثواني . ومن على السلم قامت زقاني ونزلت على دراعي مكسور . وبسرعة جريت على الدكتور قالي دي حاله مستعصية . ولازم يتعمل لك عمليه قلت يا ريتني أديتها خمسين . ولا صرفت من الفلوس ألفين ونصيحة من واحد متكسر . أوعي على فلوسك تتحسر وادي العيديه لمراتك . وانقذ بالعيديه حياتك وانتي راعي ظرفه . لو كان جوزك على قده علشان تمشي الحياه .وتوصلوا بالعمر منتهاه وأدام الله عليكم فرحكم . وعيد سعيد عليكم كلكم
.................. العيديه ....................
يحكي أن رجلا قال:

أبلغ من العمر أربعين .

ولي أربع من البنات والبنين .حلوين وصغيرين

وفي يوم الوقفة . والناس علي دماغها واقفة

الي بينضف في بيته . والي بيجيب هدوم عيده

والي بيدور عالخروف . والي عالعيديه ملهوف

وفجأه وانا مع مراتي بتكلم . جالي صوت عالي من السلم

اتاري ابويا بينادي . بيقولي نزل لي ولادي

اصله يبقى جدهم . ودايب هو في حبهم

قلتله ليه يا بويا . قالي نزلهم ياخويا

عايز اعيد عليهم . وأبوس راسهم وايديهم

رحت قوام ملبسهم. ولجدهم رحت منزلهم

ونزلت أنا وياهم . علشان أعيد معاهم

وقفهم جدهم طابور . وعيد عليهم بالدور

وصرخت في اعماقي صرخه مدوية . ليه يا بويه نسيت تديني العيديه

هو أنا مش ابنك ولا إيه . اديت العيال ونسيتني ليه

لو اديتني يا بويا جنيه . حكون فرحان ومبسوط بيه

الموضوع مش موضوع عيديه . انما احس انك حاسس بيه

وطلعت وأنا مهموم . وقلعت من عليه الهدوم

وحكيت الحكايه لمراتي . قالت لي ماتزعلشي يا حياتي

وفجأة الباب خبط . دي العيال طالعه وبتزقطط

ولقيتهم واقفين قصادي . عايزين عيديه المرادي

قلت يا واد فرحهم . واديهم وابسطهم

دي اول مره ياخدوها . وعمرهم ما طلبوها

رحت موقفهم طابور. وعيدت عليهم بالدور

اتاري مراتي كانت وراهم . جرت وقفت في الدور معاهم

قلت دي اكيد بتهزر . ومين بياخد لما يكبر

اتاريها عايزه هي كمان . قلت أعوذ بالله من الشيطان

ونسيت احساسي الي حسيته .والي عن ابويا داريته

صرخت هيا بصوت عالي . قالت لي العيديه يا غالي

قمت قايم ومطنش . ورحت علي الشات أدردش

قامت قاطعالي سلك النت . وكان اليوم عليا زفت

قالت لي يا الدبح يا الدفع . معرفتش ساعتها اعمل سبع

وخرجت من الشقة في ثواني . ومن على السلم قامت زقاني

ونزلت على دراعي مكسور . وبسرعة جريت على الدكتور

قالي دي حاله مستعصية . ولازم يتعمل لك عمليه

قلت يا ريتني أديتها خمسين . ولا صرفت من الفلوس ألفين

ونصيحة من واحد متكسر . أوعي على فلوسك تتحسر

وادي العيديه لمراتك . وانقذ بالعيديه حياتك

وانتي راعي ظرفه . لو كان جوزك على قده

علشان تمشي الحياه .وتوصلوا بالعمر منتهاه

وأدام الله عليكم فرحكم . وعيد سعيد عليكم كلكم
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
abuiyad