باقولك إيه *** بقلم هشام عوض *** في 4:14:00 ص مرسلة بواسطة الشاعــــرة زينب رمـــــــــانه

الشاعر هشام عوض

بقولك إيه

زهقت خلاص من العتمه
ونفسي فـ نور
وعمري وضاع فشل كله
مفيهش نجاح
يجوز حظي ودي القسمه
تميل وتجور
وجاتلي الدنيا من همــي
عطيتني بــــراح

أنا الغلطان ومن ظنك ؟!
أديني بشور
قالولي زمان كتير عنك
وكله جراح
شبعت خلاص جراح منك
بلف وادور
ونفسي فـ يوم أدوق طعمك
من الأفراح

يجوز إني عشان خايف
بنيت السور
وشفت الحلو بان عنــدي
دا وهم وراح
وجه زارني ملاك طايـــف
بعتلي زهور
مسكت الشوك وكان ظني
دا زهر وفاح

أنا المحقوق عشان وردي
زرعته فــ بور
ويمكن كان عشان طبعي
تملي سماح
فـ إيدي زهور وكان حظي
ببنت الحــور
رميت الشوك تعالى إنت
كفاني نواح
أنا نفسي أعيش جنــبك
بلاش مـ الزور
أنا قلبي ومن حبـــــــــك
بعشقك باح
وفاض شوقي عشان قربك
بقالي شهور
ياريت إنت يبــــــــــان ودك
عشان نرتاح

بقلمي ... هشام عوض محمد

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad