كل الحكايه
بقلم الشاعر / محمود منسي
كل الحكايه ان انت أيه .............
غايتى ومنايا ، أكون معاك وتكون معايا
وان جه ف يوم شافك ملاك........
يحس أنه ، كأنه باصص ف المرايا
حسنك عجيب زى القمر يوم التمام
......تعالى أملى دنيتى ونور سمايا
يوم لقاك قلبى من فرحه رقص....
وقالى ده اللى معاه يكون فرحى وهنايا
وسمعت عصافير الكناريا بالمحبه بيعزفو
والورد غمض من كسوفه والخجل زى الصبايا
وكل غزلان المها تدارى منك..........
لو شافوا كحلك بالعيون بتقول كفايه
عودك ملوش توأم بديل ولا له مثيل
.............ملفوف بصنعة البديع رب البرايا
وطلتك تسحر ألوف من البشر.......
وخطوتك بغندره ويا الدلع بتقول ورايا
غلبت أوصف فيك وأعبر بالكلام.............
والوصف فيك محتاج سنين ملهاش نهاية
محمود المنسى
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: