قصيدة " نُص تانى "
ضحكتك ناقصة ابتسامة
و عياطك ناقص دمــوعْ
كل حرف ولـــه علامة
والكلام فتّتْ ضــــلوعْ
المعانى نــاقصة فَهْمْ
والحروف ناقصة اكتمالْ
والكلام متصابْ ب سهمْ
عدّا فـ حدوده الكمالْ
والقصيدة ناقصة شاعرْ
والحياة دى ناقصة عيشة
و الشعور ناقصُه مشاعرْ
والبريزة ناقصة فيشة
والهوا ناقصُه النسيمْ
والمراوح ناقصة ريشة
واللى عاقل ناقصُه عقلْ
والمراهق ناقصه طيشة
كل حاجة ناقصة حاجة
لازم هتلاقى حاجة
تكمّل نصها التانى ..
كل حاجة وليها حاجة
يعنى مثلا نفترض ..
ان قلبى احتاج لنبضْ
مش هينفع اجيبله كبلْ
طب عمرك شفت مجرمْ
اتشنق من غير حبلْ ؟
ولا عمرك شفت حاجة
كاملة مش محتاجة حاجة ؟
بص هى كلمة واحدة
فيها تكمنْ كل حاجة
ان الشتا ناقصة بردْ
والصيف محتاج لحَرّ
بس انت متكابرشْ
انك عايش بس حُرّ
انت ناقصك ألف حاجة
فيك حاجة محتاجة حاجة
و كمالتها ف حاجة تانية
وان مجبتش أى حاجة
يبقى عمرك ضاع ف ثانية
يبقى عمرك عُمرْ فانى
شفاف زى الــإزازْ
فـ لحظة ممكن يتكسرْ
أو يطير زى الــ غازْ
يعنى م الآخر يا نُص
انت ناقصكْ الــ جوازْ
17 / 2 / 2014
52 : 6 ص
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: