33 قصيــدة ليـكـي مكتـوبين ..
انتي عنــوانهم كلهــم لكنهم
عن بــعـضهــم متشتتـيـن
طبعهم نفس طبعك..متقلبين
فيهم كسر في الأوزان..
فيهم معني بيوضح مرة ...
والف مــرة مش بيبــان
فيهم قصيـــدة صــدقتهــا وصــدقـتنـي..
وعشقتها وعشقتني..
وغرقتني ورجعتني من الغرق عطشان
وفيهم قصيدة بتخاف عليكي
من حمــاسك وانــدفــاعــك
وقصيـدة تانيه بتحس بيكي
وبـتتــألـم مــن أوجـــاعـــك
وقصيدة مش خايفه المـوت
قـــد خــوفها مـن ضيــاعـك
وعشــر قصــايـد بيوصفوكي حــرف حـرف..
من دفر رجلك لشعــر راسك.لصـوابع الكف
وفضله فيكي يـوصفه لما القلم حبـرة جف
واتحداكي لو كانه نسيه يوصفه منك وصف
وفـيهــم قصيــــدة كــدابـــه .. بــتــقــول الـــورد مش لـــونـــك
وإني مش بحبك) ومش بحســك ومش أسيـر نظـــرة عيــونـك
وإنتي مش أجمــل من ليلي ..وانا عمــرى ما هبقي مجنونك
قصيدة فعلاً كدابه ..اتكتبت وانا زعلان ..يوم ما قفلتي تليفونك
وخمس قصــايد اتكلمـه عن حلــم شفـتـه وبيـه فـرحت
إني قتلت فيا سكـوتي ..وخلصت فتــرة مــوتي وعشتَ
وبقينا انا وانتي في مكان.. وبقيت خلاص مش عطشان
ومن شفـــايفك الحلـــوة ..في الحلـــم شـربت
وقصيـــدة ليكــي بتتقــرب ..وبتتغــزل في مــلامحــك
وقصيدة منك مجروحه ..وكل اللي قالته الله يسامحك
وقصيدة بتقراه أفكارك.. وساكته ومش عايزة تصارحك-
وقصيـــدة تـأيهــا ومهــزومه ..وعــزة نفسها بتعــزبها
رافض انشرها ..رافض اقراها وحزنت كتير وانا بكتبها
وللأسف كلماتها صــادقه.. وبــوهم نفسي واكــدبها
وخمس قصـــايد عتــاب ..الجـــرح علـــم فيهم
كتبتهملك وانا بتــألم..ومـــاته قبــل ما تقريهم
ووجبت عليهم الرحمه..الف رحمه ونور عليهم..
وقصيدة واقفه حــداد..وقلبها من الحـــزن اتخلع
حروفها بتسأل بستغراب..راح فين القلب الجدع؟
ياريتني ما كنت قصيدة..اتكتبت في زمن البـدع
وقصيــدة مقدرتش تكمل..وماتت فيها خلاص مشاعرها
كان صعب عليها تتحمل..تسمع همسك لقصيدة غيرها
وكان ليه دا كله من الأول؟ ..يالي مشاعـرك كتر خيرها
وقصيـدة ( أنتي.. علي أسمــك سمتها
عنــوانها ( أنتي.. من أول كلمه لنهـايتها
احساسها أنتي..وبكل حواسي حستها
وشوفي أنتي..قد أيه في الحلق مرارتها
وقد أيه قتلتني صدمتها
وقد أيه انا كنت عايش..في دنيا فاقدة حقيقتها
وأخر قصيدة .. أنا ..
القصه اللي مكملتش..والفرحه اللي مجتش
اللي كتبك ووصفــك ونقشك في قلبه نقش
اللي استني منك وردة..وهديتك كانت نعش
ـــــــــــــــــــــــــــــــــــــــــ
بقلم/ عز الدين محمد امين
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: