مصر المحروسة ...؟؟؟ بقلم الشاعر/ نبيل محمد صلاح الدين في 6:23:00 م مرسلة بواسطة Unknown

بحبك يا مصر يا محروسة وبهديكي مليون بوسة
بحبك يا مصر لانك بلادي ولان فيك ولادي
ولان فيك امي وابويا وكمان اجدادي....
ومهما جه عليك يوم ولادك .. باعوا فيك
واستحلوا اعراضك وملوا اراضيك بدم ولادك
ما بين يوم وليلة خرجوا علينا بعباية الدين
وخلوا قلوبنا مرتاحين لكن افعالهم كوت قلوبنا
ولقيناهم مجرد كذابين ..... قالوا عليهم أخوان
وبكتاب الله ماشيين وبالشريعة مطبقين
لقينا شريعتهم خارج نطاق الدين وكل يوم
بيعدي يملوا فيه خزاينهم ويضحكوا علينا
بكام مليم ...عملوا رابعة ويا النهضة وامام
العالم مصلليين وهم ف النهاية بتوع مصالحهم
وعشانها يحالفوا الشياطين .. خلونا يوم
نجري ونسئل احنا مسلمين ولا محنش مسلمين
بعد ما حسينا ان بلدنا بقت أخوان وكمان سلفيين
وعرفنا يوم ان احنا سنيين ايوة صحيح محنا سنيين
على سنة نبينا محمد اول المسلمين .. بقوا يوم يكفرونا
ويكفروا اخواتنا المسيحيين واستحلوا دمنا ودمهم
مهو عادي عشان الامارة وحلم القطبيين ...
ونسوا ان نبينا كان جاره يهودي وان مراته
كانت قبطية وان دينا دين محبة وسلام يا مؤمنين
جايين النهاردة بعد ما فوقنا وعرفنا وخرجنا
يوم ثلاثين بعد ما خرج علينا راجل من عباية
المصريين ونزع بتفويضنا شرهم وشر رجالتهم
الكذابين ينغصوا حياتنا ويعمموا الفوضي فى
بلادنا عشان هما خاينين .. استحلوا دم ولادنا
بالتدمير وبالخوف من بكرة اللي كان أمل
لولادنا فى التغيير لكن ربك برضه كبير
يمهل ولا يهمل ..وحييجي برضه اليوم
اللي نضحك فيه من قلوبنا ونفرح ببسمة
ولادنا لان مصر مش تكية ولا امارة
ولا حتكون لناس خاينة ولا باعت
بلادها ولا حبت تمحي بسمة رجالها
فهي محفوظة من ربي وربك لقيام
الساعة ولان فيها ناس بتصلي
وقلوبها عمرانه..وبالخير مليانة
وحيرجع من تاني الازهر منارة لكل أمة المسلمين
أوعي تخاف يا مصري يا مسلم وقبطي
لان بلادك هي سر وكنز اجدادك
فيها نشئنا وفيها بنربي ولادنا
على كتابنا وعلى سنة نبينا
أكرم الاكرمين .. ومهما مر علينا
بأيمانا وتماسك ايادينا حنمحي
ظلمة ليالينا أيوة حنمحي ظلمة
ليالينا ببسمة ولادنا وكل المصريين
اللي شربوا من نيلنا وعرفوا ان
خيرنا نهر جاري لكل المحبين 

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad