ميهمناش انت هتكون مين
عيزين رئيس لكل المصريين
يحط مصر فى نن العين
يحقن دماء المصريين
يسهر على راحه بلدى
يصب من نيلها ويسقى
كل العطاشه الغلبنين
يكون رحيم بين الامه
يكون كريم عنده زمه
ميكنش ميت على الكرسى
يكون لكل المصريين
يكون امين ميقلش اهلى
ولا عشيرتى يجمعنا
وياه على الرحمه
يسمع جرس جيرتى
ويا الاذان فوق المدنى
بلدنا عايزه ضمير صاحى
رئيس يراعى الله فينا
يكفئنى صح على كفاحى
يشرب من الخير يسقينا
بلدنا مصر امل طارح
وشباب ورود بتكافح
عايز رئيس يكون صالح
تعبنا وملنا ثورات
هنقضى العمر اهات فى اهات
تعبنا من كتر القررات
ودمعنا نشفت فى عنينا
مصر الامل والانتصارات
عيزين رئيس ينهض بينا
يحط تعبنا فى جيوبنا
ويرسم الامل فينا
يراعينا يراعى ربنا فينا ...بقلم /الشاعر /صبرى ابو ريان
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: