طب ليه عاشقة موتى
وبيبهرك لون دمايا
طردانى ليه من جنتك
مع ان محبتك
سكنانى من لحظة مولدي
ورغم انى ف عز خوفي
بطمنك
بالقاكى رميانى في الفزع
محبوس انا
خلف قضبان قسوتك
مصعبتش عليكى مع ان انا
راسمك ملاذى في غربتى
تايهة الخطاوي في سكتك
معرفش لية
بمدلك يدى باللقا
ترمينى في سكة غياب
عيونك بحرين عذاب
والغريق هو انا
دايما كتبانى في قصتك
كلمة نهاية
حتى البداية مبهمة
مع انك كنتى الملهمة
لقصيدة رفعتك بيها للسما
وبرغم وجع الاسئلة
رفضت انى انزلك
وجعلتك في اعلي منزلة
وفرشت ضلوعي سجادة صلاه
لقيتك عليها بتلحدي
دنستى حتى مسجدى
وفرحتى لما شاهدتى موتى
وانتشيتى بمصرعى
مين اللي قال ان في العشق الدوا
عشقك كان عله في عمري
ولحياتى مشنقة
حضنك اللي كان في يوم مطمعي
كتب النهاية لقصتى
عايزانى لية بعد موتى اصدقك
د الوقت خلاص
ماعادش هواكى يهزنى
ولا عادش فارق انك تكونى
ارضي ولا حتى السما
او حتى تكونى مأتمي
باختصار
رافض اليكي انتمى
رافض اليكي انتمى
***************شعر/ محمود حسان
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: