السيجارة ..... بقلم / علي عمر | مجلة بيت الأدباء والشعراء

السيجارة ..... بقلم / علي عمر

في 9:10:00 م التسميات: رئيسيه, عامية مرسلة بواسطة مجلة الأدباء والشعراء العرب

السيجارة

بقلم / علي عمر

السيجارة خلاص بقت على شفايف ناس كتير جارة
بس يا ريتها جارة نافعة ديه كل افعالها ضارة
معاها انباء الموت والمرض وعمرها ما نطقت بانباء سارة
مصاحبة ناس كتير الغنى والفقير
ومصيبة لو عرفوها عيال الحارة
بيعشقها الغفير ويقدرها الوزير مع انها غدارة
ولما تتعزز عليهم وتبعد عن ايديهم على استعداد
يقضوا ساعات من اللف والتدوير عشان يلاقوها وعن بعدها يلوموها
معقولة تستاهل كل دا وهى سم بيسرى جوا الجسم بالرضا
واستغرب من اللى بيبوسها بشفته وشوية ويدوسها بجزمته
مش بيدوس عليها دا بيدوس على صحته
واللى يدخنها وبحدفها على طول دراعه تقول خلاص شكلها طلعت من دماغه
واتاريه يقول انا المركب وانتى شراعه
واللى بيهرسها باءيده فى طفاية ويقول سامحينى
يا غالية دا النفس منك بالدنيا وفيه شفايا
واستعجب من ناس كتير يتشتغل فى صناعتها بكل همة وضمير
لاء وليهم كمان نادى رياضى باءسم الشركة تقولش شعارهم احنا على الصحة بننادى
ويكتبلك على كل علبة التدخين يؤدى الى الوفاة والاصابة بسرطان الدم
يا سلام بالضبط زى الكاميرا الخفية تمام
بس المرة دى بيقولك عايز تموت دخن مش عايز مش هتموت يا عم
فى ايه اكتر من دا هم ولا خلاص الصحة بقت رخيصة اوى ولا حد بيهتم
ويتعازموا بيها على بعض اللى بيدخنوها
هو احنا واخدين منها ايه يا عم عفر ديه بقت عيشة تكفر
لاء عفر وامسكها زى الناى وصفر واعمل بيها فى الهوا دخان مضفر
يا عم ما تولع بئا كفايانا غلب وشقا
خد ولع ديه والله لسه طافيها اصلى مبشربش غير علبتين ببتدى اخف فيها
لاء ليه حق صحته وبيخاف عليها
وواحد تانى يقول اومال فين الاصطباحة
تقولش بيها عيشته هتبقى هنية ومرتاحة
ما تاخدلك نفس يا عمونا هى الدنيا ايه غير انفاس معدودة علينا
هاء يا سلام ع الحكم قول كمان واشجينا
وحتى الستات والبنات بعينيا بشوفهم بيدخنوا ويشيشوا على الكافيهات
تشيش وتحط رجل على رجل ولا فى حياء ولا ادب كاءنها قاعدة وسط حزم فجل
وتشد ولا اجدعها معلم ده يمكن هو اللى منها يتعلم
وفى يوم سألت السيجارة مش كفاية اظن كده كفاية
ناس كتير ليكى ضحايا طحنتى صحتهم وعمرهم زى حجر الرحايا
ضحكت بسخرية وقالت لاء لسه مش كفاية طول ما هما اللى بيجروا ورايا
ربنا وهب كل انسان فينا عقل وارادة
يقدر بيهم يميز ويتحكم ويعرف فين الافادة
من غير كلام زيادة تعالوا سوا نقضى على اخطر عادة

بقلم : على عمر

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

إذا أعجبك الموضوع ،شاركه مع أصدقائك

0 التعليقات:

إظهار التعليقات

:))Blogger ;)) ;;) :DBlogger ;) :p :(( :) :(Smiley =(( =)) :-* :x b-(:-t8-}

جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).