أشكرك
بقلم / سمير الزيات
ما اعرفش إيــه يا ترى
بالحــب تـاني فكّـــرك
وازّاي رح انسى اللي جرى
وازّاي أسامحـك واعــذرك
على كـل حـال أشكــرك
***
رجعت من بعــد الغـياب
خايف لـ أقابلك بالعـتاب
د الحـب داب والقـلب تاب
ف الهجـر وسنين مهجرك
على كـل حـال أشكــرك
***
أنا نسـيت أحـــلام هـــواك
ونسيت كمان ظلمي معاك
ونسيت أسـاك وسنين أساك
ونسيت ملامح منظرك
على كـل حـال أشكــرك
***
دلوقت بس ســألت عني
بعـد اللـ كان وهـربت مني
راجــع وفاكــرني كـــأني
فاكـــر هــوانا المشـترك
على كـل حـال أشكــرك
***
انا كـان ح يسعـدني رجوعـك
لو سبت شمعة من شموعك
دلوقت لو سـالــت دموعــك
زي البحـور مش ح اعـــذرك
على كـل حـال أشكــرك
***
بحــــذّرك ، وبخـــــيّرك
وكفاية بس أخيّرك
وان كان هواك محيّرك
ارجــع قـــوام لمهجرك
وكفاية إِنِّي باشكرك
***
سمير عبد الرءوف الزيات
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: