وانا حبيبى مش ناس ..........انا حبيبى مكان
مكان جوايا عاش...........وانا عشت فيها سنين
الحزن مايفتناش........ .....ودافع تمن الحنين
ماالحب مش ببلاش .........بندفع ضريبته اتنين
عايش جوايا حلم .............انى اشوفها بعينى
احلى مكان فى الكون..
لكن وانا فى العلم.............زايد فى قلبى انينى
منا عشقى ليها جنون..
قلبى عليها اتوجع................من اللى هيه فيه
وبان فى قلبى الوجع.........مَعْرِفْشِ ازاى يداريه
اصل حبيبتى طيبه ............بس ساكنها وحوش
وفيها ناس طيبه .............متعرفش عنها تحوش
خيرها لوحوشها رايح ......والباقى مات م الجوع
وصوتى م الحزن رايح.......وساكن المى الضلوع
الناس تجيها وتروح............وتشوفها احلى مكان
توصف فيها وتبوح ............بالوصف احلى كلام
واحنا قلوبنا تنوح .............. والحزن فيها مانام
ملعون ابوكو وحوش .............ماسبتوا فيها مكان
انتو مابتخلصوش!!!...............هنروح لاى مكان
لَمَّينا كل مالينا ...................وبقت قلوبنا سفينه
ونلف بيها وبينا...................وبِعْدِتْ قلوبنا وأدينا
القلب ماعمره ارتاح................مهما بعد او راح
انينه مابسيبهوش!!!
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: