صحوة لقاك ..... بقلم الشاعر / مصطفى عبد المنعم في 10:25:00 م مرسلة بواسطة الجمهور العربي

صحوة لقاك
    بقلم / مصطفى عبد المنعم

ساعة رضاك
خليتنى أسبح فى فضاك
عايش معاك
وأقضى عمرى كله أحلم بلقاك
وأصفى قلبى بنور بهاك
وروحى هايمه
ف جنه دايمه
قلبى يلاقيها
ويحس بيها
ساعة رضاك
***************
طول عمرى باحلم بمحبتك
مؤمن بوحدانيتك
عاصى ...........
شايل ذنوبى على راسى
عايش باقاسى
خايف صحيح من غضبتك
نفسى ف عفوك ورحمتك
مشتاق لجنتك
عشان تمتعنى برؤيتك
طالب رضاك ..والامر أمرك
بقدرتك ......
أرفع ايديا لسماك
واطلب رضاك
*****************
عاصى وكلى خطايا
ظلمت نفسى ....
لما طاوعت هوايا
من ضعف أيمانى
شيطانى أغوانى
على خطاه مشانى
ونسيت معاه معنى الهدايه
لما لقيت فيه الهلاك
حسيت بصحوة لعلاك
ورجعت أطلب رضاك
كنت بحس بهمهمة قلبى بذكرك
بتهزنى من جوايا
دمع الندم نازل بحور
بيطفى بركان الخطايا
حسيت ساعتها أنك تملى معايا
فتحت لى باب الامل
ياللى بمشيئتك هدايا
أقبل يارب دعايا
وأغفر لنا كلنا ..كل الخطايا
متعنا يارب بصفاك
ساعة رضاك
********************
هذه القصيده للشاعر مصطفى عبد المنعم
من الديوان الدينى ... صحوة لقاك تحت الطبع

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad