حكمة السواقين ........ قرأها ونقلها لنا الاستاذ / جابر أحمد في 9:02:00 م مرسلة بواسطة مجلة الأدباء والشعراء العرب

حكمة السواقين

قرأها ونقلها لنا / جابر أحمد
لاحظ الدكتور سيد عويس استاذ علم الاجتماع رحمه الله انتشار العبارات المكتوبه على السيارات .. وفكر فى تحليلها نظرا لما تحمله من عبقرية ووجهة نظر وفلسفه وعمق .
وألف رحمه اله كتابا خفيف الظل عن ذلك سماه هتاف الصامتين .

هذه جوله سريعه مع بعض العبارات رصدتها لعدد من سيارات النقل والتكاتك ..
دعونا نبتسم ونحن نتأملها جيدا .

** الرجوله ... مش بسهوله

** ما تبصلهاش يا عبيط .. دى جايه بالتقسيط

** بكرة القطه ... تبقى تويوتا

**البطة المرتاحه ،، للسفر والسياحه

** ما تبحلقشى يا لوح .. دى جايه بطلوع الروح

** ان نام السبع شوية كلاب ياكلوه

** زغزغها تضحك

** سولار فى التنك .. ولا مليون فى البنك

** آخرة التقدير .. خسرت كتير

** بطلنا .. اللى يعطلنا

** احنا سواقين القطش .. واللى ما بنغلطش

** ما تجريش ورايــــا ... أختك مش معايــا

** آخرة الشقاوه . عيش وحلاوه

** صاحب صاحبك على عيبه .. وما تصاحيبشى اللى فى جيبه

** عبده صغير .. بس يحير

** يا ناس يا مكبوته .. هى دى الحدوته

** غير .. وما تحسدش

** تخبطها تحكها ... هحطك تحتها

** سكينه تدبحنى ... ولا بنت تجرحنى

** حتى هدف حياتى طلع تسلل

** ما تبصش يا حمــار .. دى عليها تــار

** الدلع شياكه ... مش قلة أدب وتناكه

** لو الأرزاق بالجرى .. ما كانش حد حصلنى

** خليك ديب .. وبلاش تخيب

** يحميكى من الميكانيكى

** الكار ده مش كارنا .. بس ربنا يصبرنا

**ما تبصش لعجلها .. لتجيب أجلها

** الحلوه خوخه .. جت بعد دوخه

** ما تقولش دى بكام .. دى جايه بدهب المدام

** تركب أسليك .. تنزل أولع فيك

** لو كان الجرى بالرتب .. كان زمانى لوا

** حسيبك كدا ورايا ... انت مش من مستوايا

** عايز تعيش ... ما تعدنيش

** لو باض الديك .. برضه مش حعديك

** صاحبك اللى خانك ... زى دخانك .. بفلوسك تشتريه .. وبرجلك تطفيه

صدقتكم ايها المصريين ... أن زى دمنا مفيش ... اكتفى ببعض هذه العبارات

والتى أكدت عظمة هذا الشعب العريق فى الأصاله وخفة الدم

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad