همايونيــــــــــــــات
ــــــــــــــــــــــــــــــ
بقلم / جابر أحمد
ــــــــــــــــــــــــــــــ
بقلم / جابر أحمد
تتهادى بعطر جميل
تنادى .. هو ده المصرى الأصيل
اللى عاش جنب الهرم والنيل
لاعمره قال آه م التعب .. ولا عمره كفر بالنعمه . لو كان غموسها قليل
قلنا بعد ثورتنا ح نعيش فى سلام ووئام
ونرسم حروف الحرية على جناح الحمام
ونمسح دموع الحيارى اللى مات فى عيونها الكلام
يا أمة الاسلام .. هوه ده الاسلام
شيوخ وطلت علينا من كهوف الجهل وسراديب الظلام
تصدر فتاوى تكفر الأنعام والأغنام
وبعد ما كان عندنا حزب واحد
فوجئنا بأحزاب كتيره شغاله صبح وليل .. فى رغى وكلام
بتطاردنا ع الفيس بوك وفى الأحلام وناسية ان رب العالمين رب الانام
أعطى الناس الحريه والايمان
والهداية وحب الخير والسلام
وبعد ما عشنا وشفنا شيوخ الدعوة .. صبحوا فى السياسة اقطاب واعلام
وكل شيخ نازل طحن فى خلق الله .. مع تكفيرهم وتهديدهم بالحلال والحرام
يا أهل الفتوى يا شيوخ الظلام
طول عمرنا عايشين على أرض مصر الطاهره مؤمنين
عارفين أن ربنا واحد .. والبشر ملايين
وان الايمان فى القلب
مش لحية وزبيبه غريبه
واجسام طويله وعريضه
وجلابية بيضا تحت الركبتين
الله يرحمك يا شيخ شعراوى
يا صاحب العلم السهل الرصين
وكلمتك الجميله عن أهل مصر الطيبين المؤمنين
وان الاسلام مش فتاوى وكلام
وان ازهرنا علم الدنيا والعالم معنى الحضارة والسلام
ــــــــــــــــــــــــــــــ
جابر أحمد
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: