إبعد بعيد
ــــــــــــ
إبعد بعيد .. إبعد بعيد
واعشق .. وحاول من جديد
وان كان د حقّـك ف الحياة
ولـو انه مش حقـك أكيد
أنا برضو زيّـك ف الهـوى
وليّــا قلـب كمـان عنـيد
يقدر ينسِّيني وينسى
ويدوس على حبك ويقسى
لكــن د مش طبــعي أنـا
وذا كنت اعيش مليون سنة
ح افضل أحبّك من بعيد
وافــرش طــريقــك بالــورود
يمكن تعود .. يمكن تعود
***
لو كنت غير كل البشـر
قلبــك حــديد
أو كنت تمثال من حجر
قاسي وعنـيد
أنا حبي ليك من غير حدود
يقــدر يجيبك مش أنـا
لـو كنت في آخـر الوجـود
لكن حسيبك للهـوى
هوَّا اللي حيجيبك أكـيد
واحلــم بأيـامنـا ســـوا
وافضــل أحبــك من بعــيد
وافــرش طــريقــك بالــور
ود
يمكن تعود .. يمكن تعود
***
بقلم الاستاذ /سمير عبد الرءوف الزيات
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: