قصيده من ديوان العاميه
قصيده بعنوان(جرب تهرب)
بقلمى...........محمد مغاورى
___________________________
أوعى تسلم نفسك نفسك
أو تتنسم ريحة يأسك
روحك لو تتمنى صفاها
خلّى مداها علامه تدلّك
وتطمن لك كل خطاوى النوم الهادى
تصبح راضى
قاضى بتحكم رافض ذلّك
بطل تحرس جواك ضلّك..
ضلّك خلّك
حالف انه فى يوم مايملّك..
بس يضلّك
يرسم طولك أقصر
منك أطول منك
ويسكن لك..كل بنات الفكرفى ننّك
تركب خيلك..تسكن ليلك ..تبقى دليلك
وتكمل لك..كل ميزان النقص ف كلّك
تعشق ذاتك
.تخرج بره وانت حدودك أصلا جره
لو جيت مره ترسم ذاتك
يرسم فوق الأرض ثباتك
وان يوم فاتك..
نورك...... دورك ........يعشق جوه الضلمه سكاتك
يعشق ذلّك
ويذلل لك كل صعاب الوهم الفانى ترجع تانى جوه أمانى لابتتحقق ولابتدلّك بس اكمنّك..
إنك منك ..خايف منه متأمن له
يجى يزورك ...ياخد نورك.... تاخد دورك جوه طابور الوهم يجنّك
هو فى سنك ..منك منك زى نصيبك .
ممكن جوه الأزمه يسيبك ..ناره تصيبك..يرسم جوه عيونه نصيبك .
تهرب منه يجنى ويحنى خطوطه يقولك
أنا لو سابك كل أحبابك هفتح بابك وانده كل حكاوى شبابك إنك ضلّى .
.وانا مش ضلّك .
تقدر تصلب طولك مره؟؟ أو بالمره أأقدر أمشى الخطوه بدالك؟؟
حاول تثبت..تقدر تثبت؟؟ أغضب واهرب جرب جرب..انك فعلا ممكن تهرب
من خيالّك ..انك رافض تدفن حالك جوه فى بالك حاضن ضلّك..
إنك رافض إنى أدلّك.
لازم تعرف لو تختار العود المحنى
لازم تجنى من فدادين الضوء الساقط فوق تكوينك صورة تهينك صورة ضلّك ..
