صقر العرب بقلم / سيد عبدالوهاب في 3:25:00 م مرسلة بواسطة Azza

صقر العرب
مالَك ياصقر العرب
رِيشك بقَى منتُوف
مِن بعد نظرة غضَب
النظره ملاها خُوف
ماتبُص ناحية حَلَب
بُص كمَان وشُوف
شُوف مِين انضَرب
شُوف الجثث ألُوف
حالَك خَلاص انقَلَبْ
ياصقر لِيك العجب
ساكِت كِده مكسُوف
أَخرَك ليه كلام
ضَمِيرك ليه نام
ضعيف دايما هزيل
بِتخَاف من الحَمَام
واقف حَزِين محسُور
واقف بِجنَاج مكسُور
ماقادر تِخَطّى خطوه
ولا حتّى تعدِّى سُور
ارفع راسَك مرّه
أخرُج م الضعف بَرَّه
خَطِىّ كل الجُسُور
خايف صَيّاد ينِشَّك
خايف بِتدّارى وشّك
هربت ليه جَبان
وغراب سَكَن عِشّك
بقلم / سيد عبدالوهاب

أعجبني

تعليق

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad