قعدت جنب كتابها تفكر#‏محمد_تيكو‬

في 12:28:00 م مرسلة بواسطة Azza

قعدت جنب كتابها تفكر
تاهت جدا بين صفحاته
كانت ورده بتسكن بينهم
فجأه لاقيتها مش موجوده
سرحت سألت فين الورده
ف سطور عمري كانت محطوطه
كانت حمرا بلون الدم
دبلت نشفت مين اهتم
سابت بين صفحاتي الهم
مسحت ذكرى كانت موجوده
راحت ضمه كتابها بقوه
لمعت دمعه ف نني عنيها
سمعت صوته ايوه ده هو
كان بينادي بقلبه عليها
لسه ريحتها ف قلب الصفحه
شايفا بعينها بصمة ايده
لما ف اول مره قطفها
جابها هديه ف عيدها وعيده
لسه تاريخها كأنه امبارح
عايشه ف طول العام بتعيده
مهما دموعها هتسقي الورده
عمر الدمعه ما يوم تحيها
ضاعت منها بين اورقها
وايه هيفيدها لو تلاقيها..
‫#‏محمد_تيكو‬
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
abuiyad