يابنى على رأى المثل---------- من خاف سلم كلمات /وحيد احمد في 12:46:00 م مرسلة بواسطة Azza

تمت إضافة ‏‏2‏ من الصور الجديدة‏ من قبل ‏الشاعر وحيد احمد‏.

21 ساعة

مأساه شاعر
------------------
يابنى على رأى المثل---------- من خاف سلم
وانا خايف عليك تكون--------- شاعر وتتظلم
انا حياتى عدت عليا ---------مليانه حزن وألم
عمرى كله تاه مع الزمان----------- فيه اتظلم
بقيت شاعر غاوى -------وعاشق الكتابه والقلم
أحساسى ظاهر على السطور-------- للحق علم
عن وجع القلوب أعبر------ وكنت أصدق حكم
عيونى ياما شافت -------------وحست بالهمم
شافت قلوب عاشقه تاهت ----------عن النعم
عن السعاده كانت مفارقه ---وغرقت فى الندم
ياما شفت بكره ------------وانا قاعد فى الحلم
أشوفه اصبح واقع --------كما فى الحلم اترسم
لاأنا ضارب ودع ---------ولا بتكلم من عدم
دى خبره ليالى عشتها------ نتيجه محن وهم
خبره عمر غالىيعدى -------------علو الهرم
دى طهاره قلب حامد------------ شاكر للنعم
وصفاء قلب عاشق--------- من الحب اتحرم
ودموع قلب باكى ---------على الناى والنغم
تتولد افكارى فى خيالى------------من العتم
تلاقى الحكايه مكتوبه-------- والامر اتحسم
يشطح خيالى للسما ---------ويسترق السمع
والوحى ينزل بالهنا --------------والم ودلع
تلاقينى فرحان -------حزين-----القلب دمع
حياتى جنان ----------اسوه-حنان فيا اتطبع
اكون ليل من غيرقمر
-او فرح فى قلب اتزرع
واتغير باحساسى-------- من الطيبه للصرع
انا زى موج البحر يهبط---- وساعات يرتفع
حسب اتجاه الريح تلاقينى ------فارد للقلع
مطرح مايودينى الموج----- تلاقينى ارسى
انا يابنى تركيبه غريبه --------وجع ودلع
ابعد عن الشعر يابنى -----سكته كلها وجع
--------------------------------------------------------------------
كلمات /وحيد احمد

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad