متخفيش ,,, شعر : حسن عبدالرءوف يونس في 6:19:00 م مرسلة بواسطة Unknown

 

متخفيش
#####
خايفة ...... خايفة ليه .. ؟!
خايفة منى ... ولا من ذكرى المكان
خايفة منى ... ولا من غدر الزمان
خايفة منى ... ولا م الماضى اللى كان
لسة خايفة
أى ماضى حتة منا
فيه السعادة وفيه اهاتنا
وفى أى لحظة هنلاقيه
هنلاقيه ساكن حياتنا
هنلاقيه
فى أى صورة هنلاقيه
هنلاقيه بين الورود
هنلاقيه صورة مخيفة
أو نسيم فوق الخدود
لسة خايفة
لا ياروحى متخفيش
متخفيش ماضى فى حياتك
كل واحد له ماضيه
متخفيش من ذكرياتك
متخفيش
متخفيش م الماضى أبدا .. متخفيش
متخفيش م الذكرى أبدا .. متخفيش
النهاردة وبكرة لينا ........... متخفيش
كل شئ ألا أنت راح
غيرك أنت مبقليش ........ ومتخفيش
==========
شعر : حسن عبدالرءوف يونس
شاعر الزمن الجميل

 

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad