ييجى ف الريش بقشيش كلمات عيسى عبدالرؤوف



ييجى ف الريش بقشيش
كلمات 
عيسى عبدالرؤوف
..............................
قالوه زمان قبلنا
وجه بحرى وقنا
منتج ومن عندنا
ووراثوه أجيال
.........................دورت أنا ف الريش
.........................بصراحه مابخبيش
.........................مالقتشى ليه بقشيش
.........................أتاريه صعب محال
روحت اشتكى للناس
من لعنة الافلاس
قالوا مثل وسواس
بكيت لخالتى منال
.........................قالوا مثل وصحيح
.........................شايلينه مع المفاتيح
.........................لكل فقير وجريح
.........................يبدل الأحوال
أنا راضى بنصيبى
ياشمس ليه بتغيبى
ليلك دا جمر لهيبى
بيقطع الاوصال
.........................يانفسى ليه بتلومى
.........................تفكرينى بهمومى
.........................والفقر ماسك هدومى
.........................عايز معى شيال


=========================
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
abuiyad