.. مناحة بقلم على سيد شحاته من ديوان قرايه فى دفاتر العشق

.. مناحة
بقلم على سيد شحاته 
مــات الليل
على حيطان البيوت
وشبع مــوت
لما نعق البوم فــ السما
قمــرى..
فــ حضن الضلمه اترمى
والضلمه تابوت..
الضلمه تابوت...
يا بكره يا حوت
بيبلع كل أحلامي
ويسرق منا..
حتى الاسامي..
وأيامي.. تفوت
يوم ورا يوم قدامي
الحلم منحوت
وخيوط عنكبوت
بتغزل خــوف..
فــ جوف الليل..
المتهالك
والدنيا ممالك
وأنا.. ما مالك
غيــرك.. يا حلم...!!
فــ جوف الليل..
المتهالك
والدنيا ممالك
وأنا.. ما مالك
غيــرك.. يا حلم...!!
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
abuiyad