ليل الغربة
بقلم / حسن عبد الرءوف
بقلم / حسن عبد الرءوف
فى الغربة يامصر أحنا عطاشة
من نهر حبك أروينا
تايهين يامصر حيارة
عايزين حنانك يهدينا
ملعونة أيام الغربة
ميفدش مال والقلب حزين
تكفينا نظرة على نيلك
دا السحر فيكى يسر العين
وسط الجناين والخضرة
أنا والصحاب والليل هادى
ننزل ونطلع ع الشجرة
طفولتى لسة بتنادى
فى طفولتى كان أملى فى علمى
يفضل فى السما دايما مرفوع
كنت أحييه ينزل دمعى
يفضل علمى ميهمش أجوع
وأدخل فصلى ومصر معايا
وأقراها غنوة فى كتابى
أصلها معنى كبير جوايا
وأجرى بسرعة لحد شبابى
وأقلع توب الذكرى وأسيبه
وأرجع تانى وأقول الغربة
ياما جدودى قالولى زمان
أصل ياولدى الغربة دى كربة
رحت لليل الغربة برجلى
رحت وقلت أنها أيام
فجأة لقيت العمر بيجرى
والأيام جرت أيام
أرجع تانى والاقى الماضى
وأسمع صوت النيل بينادى
والأهرام وأثار أجدادى
حتى الزحمة شايفها قصادى
فاكر يومها زينات وأغانى
سعد وفرحة بعقد قرانى
كل الناس جولى يهنونى
يوم دخلتى على نصى التنانى
قلبى ساعتها سابنى وطار
راح للشمس عمله مدار
بعت الحب فى قلبى شعاعها
دفا الناس والغيط والدار
شفت عنيها قلت دى مصر
حتى فى ليلة العمر معايا
لون وردها فى خدودها عبير
أجرى دايما تجرى ورايا
أرجع وأحبس فى دموعى
دا دمع قلبى ينبوع
حالف ماينزل غير أرضك
دى عيونى مليانة دموع
شوقى يامصر عليكى بيجرى
كل مبنسى تجينى عنيكى
وتفكرنى بأنك أمى
دا حبى ياأمى شوية عليكى
أهدى ياشوقى بكرة أنا راجع
راجع لجل أعيش من تانى
وأن طلبت عمرى راح أفديها
دى مصر ياعالم هى كيانى
** مصرياعالم هى كيانى **
================
شعر : حسن عبدالرءوف يونس
شاعر الزمن الجميل
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: