الأرض بقلم /خالد امين | مجلة بيت الأدباء والشعراء

الأرض بقلم /خالد امين

في 6:54:00 ص التسميات: رئيسيه, شعر مرسلة بواسطة Unknown

الأرض

بقلم /خالد امين

الأرض ماشربتش الدم

هموم على خد الزمن

بتتلم

لسة صوت الألم جواكى يصرخ

لسة فرقة مابين ولاد العم

نشف الطريق

نشف الريق

وانتى واقفة وسط نار

وعيال بتشعل دمار

وليالى مات فيها النهار

طلعت صبية ف فجرها

فاردة اديها ناكشة شعرها

لامة حواديت فى حجرها

لطمة خدودها

واهاهات بتجرى ف صدرها

فين ولادى

فين بلادى ؟

فين جدودى وعزها

شقت هدومها

قطعت عقدها

حبات بتبكى لوحدها

من همها

الفتنة نار بتاكل بعضها

تكسر ضلوعها وظهرها

تموت مياها وارضها

تخلع جزورها من جدرها

تاخد شرفها وعرضها

توسخ تاريخها وطهرها

بحر مالوش شاطئ ولا مى

ولا وطن ولاحى

ولا قمرة ولا ضى

لمى الضفاير

لسة ضحك جى

لسة صوتك طارح

لسة نبضك حى

لسة ف صغيرك أمل

يشيل بحور الغم

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

إذا أعجبك الموضوع ،شاركه مع أصدقائك

0 التعليقات:

إظهار التعليقات

:))Blogger ;)) ;;) :DBlogger ;) :p :(( :) :(Smiley =(( =)) :-* :x b-(:-t8-}

جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).