تاريخ العشق........... بقلم / سيد فاروق

في 5:28:00 م التسميات: , , مرسلة بواسطة monaelqlob

‏تاريخ العشق بقلم / سيد فاروق ... صابر بيكتب لصابره قصة تاريخ العشق من يوم ما طلع الزمان ما كنش غرب وشرق روحوا اسألوا الأهرام ح تقول لكم ع الصدق اول خطاب يا صابره قبل التاريخ بزمان ومع طلوع الشمس تسأل عن الإنسان علمتى نورها يمر ف النيل وف الصحرا ولا عمره يقف ابداً إلا ورا البيبان . . * . * . الكل غناا لك عشان عليه ترضي عاشوا براس مالك من قبلى او بعدي اول سجل التاريخ كان ورقة البردي . * . * . مين علّم التاريخ يكتب حواديته والبلبل الصداح يغنى اغنيته وعلّم الطماع جايله خراب بيته . * . * . طب مين دول الهكسوس قولو لى لو تعرفو ؟ ! احتلوا مصر كتير وبشعبها يعصفو خرجت جموع الشعب بظلمهم يهتفو سمع الغريب صرخته من الوجود اختفو . * . * . موسى عليه السلام مولود ف ارض النيل ، يوسف عليه السلام معروف بانه جميل يا مصر فيك القوي زي موسى الرسول وضاربه المثل فى الجمال يا شعب ما له مثيل . . * . * . لما جالك الرومان ينهبو ارضك وشعبك قلتي ح يمر الزمان واللي حامي حماكِ ربك الولاد كلت الرصيف والالوف بعد الالوف كلهم عايزين رغيف اللى مات م الجوع يموت واللى باقى كله خوف . * . * . الضرايب شبر شبر ع اللي عايش واللي مات دي ضرايب فتح قبر ودي ضرايب ع السكات . * . * . لما شاع النور فى مكه زي طوفان ع الوجود مد نوره ف كل سكه اعبدو رب الوجود . جت رساله للمقوقس من رسول الله العظيم إن دين الله ح يحرس ( بسم الله الرحمن الرحيم ) . * . * . مرت الاعوام وجالك فارس الإسلام عَمْرو جه محا كل الممالك وانكتب له فيها نصر . * . * . من مسجده فتح البلاد اسلمت قاره بكاملها والرخا لكل العباد فى غنيها وفقيرها . * . * . هو دا الدين العظيم اسسه ختام الرسل مش مشايخ للجحيم تدفع الناس للذلل . * . * . عمرو كان بيبنى مسجد وبعدها فتح الكنيسه هما دول اصحاب محمد همه عاليه مش خسيسه . * . * . ياللى فرقتو ولادى بين كنايس او مساجد طهرو القلب لودادى ربنا وحده اللي شاهد . * . * . يعنى ايه حزب وجماعه وتفضلو كدا متفرقين لمو بعضيكم ف ساعه واعرفو تبقو انتو مين . * . * . انتو اغلى من الشعوب ارضكم اسمى الاراضي كلنا لازم نتوب قلب واحد صافي راضي . . * . * . من ديوان تاريخ العشق عن دار ايزيس للفنون والنشر والتوزيع بقلم / سيد فاروق‏تاريخ العشق
بقلم / سيد فاروق
...

صابر بيكتب لصابره
قصة تاريخ العشق
من يوم ما طلع الزمان
ما كنش غرب وشرق
روحوا اسألوا الأهرام
ح تقول لكم ع الصدق
اول خطاب يا صابره
قبل التاريخ بزمان
ومع طلوع الشمس
تسأل عن الإنسان
علمتى نورها يمر
ف النيل وف الصحرا
ولا عمره يقف ابداً
إلا ورا البيبان .
. * . * .
الكل غناا لك
عشان عليه ترضي
عاشوا براس مالك
من قبلى او بعدي
اول سجل التاريخ
كان ورقة البردي
. * . * .
مين علّم التاريخ
يكتب حواديته
والبلبل الصداح
يغنى اغنيته
وعلّم الطماع
جايله خراب بيته
. * . * .
طب مين دول الهكسوس
قولو لى لو تعرفو ؟ !
احتلوا مصر كتير
وبشعبها يعصفو
خرجت جموع الشعب
بظلمهم يهتفو
سمع الغريب صرخته
من الوجود اختفو
. * . * .
موسى عليه السلام
مولود ف ارض النيل ،
يوسف عليه السلام
معروف بانه جميل
يا مصر فيك القوي
زي موسى الرسول
وضاربه المثل فى الجمال
يا شعب ما له مثيل .
. * . * .
لما جالك الرومان
ينهبو ارضك وشعبك
قلتي ح يمر الزمان
واللي حامي حماكِ ربك
الولاد كلت الرصيف
والالوف بعد الالوف
كلهم عايزين رغيف
اللى مات م الجوع يموت
واللى باقى كله خوف
. * . * .
الضرايب شبر شبر
ع اللي عايش واللي مات
دي ضرايب فتح قبر
ودي ضرايب ع السكات
. * . * .
لما شاع النور فى مكه
زي طوفان ع الوجود
مد نوره ف كل سكه
اعبدو رب الوجود .
جت رساله للمقوقس
من رسول الله العظيم
إن دين الله ح يحرس
( بسم الله الرحمن الرحيم )
. * . * .
مرت الاعوام وجالك
فارس الإسلام عَمْرو
جه محا كل الممالك
وانكتب له فيها نصر
. * . * .
من مسجده فتح البلاد
اسلمت قاره بكاملها
والرخا لكل العباد
فى غنيها وفقيرها
. * . * .
هو دا الدين العظيم
اسسه ختام الرسل
مش مشايخ للجحيم
تدفع الناس للذلل
. * . * .
عمرو كان بيبنى مسجد
وبعدها فتح الكنيسه
هما دول اصحاب محمد
همه عاليه مش خسيسه
. * . * .
ياللى فرقتو ولادى
بين كنايس او مساجد
طهرو القلب لودادى
ربنا وحده اللي شاهد
. * . * .
يعنى ايه حزب وجماعه
وتفضلو كدا متفرقين
لمو بعضيكم ف ساعه
واعرفو تبقو انتو مين
. * . * .
انتو اغلى من الشعوب
ارضكم اسمى الاراضي
كلنا لازم نتوب
قلب واحد صافي راضي .
. * . * .
من ديوان تاريخ العشق
عن دار ايزيس للفنون والنشر والتوزيع
بقلم / سيد فاروق
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
abuiyad