دمعك دا غالى دَمْعَك دا غالى ... بتِبْكى لِيِه ؟؟
ليه العُيون دى دَبْلانين ؟؟
ليه كلّ ماشُوف القَمَر
بالْقاه برَغْم الضُوء حَزين ؟؟
يطْلَع ينَوَّر ف السَما
ويبْهِج جُمُوع السَهْرانين
والكُلّ شايفينُه قَمَر
فاكرينُه خالى من الأنين
لكنّ دايماً حِسِّى بِيِه
بيقول لى جِوَّاه شيئ دَفِين
جِوَّاه هُمُوم ...
جِوَّاه غُيُوم ...
جِوَّاه حاجات ماعرفشِ إيه
يمْكِن يكُوُن طُوُل السَهَر
ويَّا السَواد دَبِّل عينِيِه ؟؟
يمْكِن لأنّ العاشِقين
دايماً بتِشْكى الهَمّ لِيِه ؟؟
يمْكِن لأنُّه كتير يبات
(و احْنا نِيام) سَهْران وَحِيِد ؟؟
يمْكِن ...
ويمْكِن ... والظُنُون
خَلَّت لِسان حالى ينادِيِه
ويقول رَجاءاً ياقَمَر
طَمِّن حَبايبَك عَ اللى بِيِك
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: