من ديوان العاميه
قصيده بعنوان(مسافات
_______________________
من بين غناوى الفرح.. قلبك طرح مسافات
مسافات وفيها انجرح بين الفرح والذات
وان فات عليك الزمن ...
بلقى التمن أنات
ولغات كتيره اختفت جوه خطوط القول
والقول مع خطوتك.حالف يكون مجدول
مربوط مع سكتك
بره الوتد شبرين
والعين كساها الصدا شايفه يادوب علامات
...........................
وتطول حدود الألم بين الشتا والصيف
والطيف بقى مشكله جوه المسا مبدور
عايش غروراللقا بين الوفا والدور
ويدور على حينا بالبسمه والأحلام
من فوق قبور الشقا طب اللقا مكسور
يحلم يلاقى الوفا بعد الجفا درجات
.......................
إن جانا يوم الفرح زى الشقا ويبات
نصحى نلاقى الفرح بعد الشقا مسافات.
.وسكات ....
وحاجات....
وحاجات كتير انتهت بس انتهت أنات
وساعات نلاقى الشوق مخنوقه فيه الذات
وطاويط على سكتك شدت خيوط الليل
وان طال سكوت الزمن خلى التمن مواويل
يمكن تشيل الوجع
وتسكن الأموات
......................
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: