لسه فاكر ............. بقلم/ محمود العيسوى في 3:51:00 م مرسلة بواسطة monaelqlob

لسه فاكر بقلم /محمود العيسوى
صورة من ابداع /روكا حسن

----------------------

انا لسه فاكر
انا لسه فاكر
واحنا بنزاكر
وانا محاوطك
زى العساكر
انا لسه فاكر
لون التزاكر
اللى كانت
فى فيلم واحد
للجميل ناكر
البطل ياعينى
راح منه حبيبه
مغصوب على امره
وراضى بنصيبه
ومن الفراق
غير الوجع مايصيبه
انا لسه فاكر
بيت جميل
كان بيجمعنا
فى وقت العصر
بيت صغير
وكأنه قصر
كنت بقعد
طول الساعات
سرحان
فى عنيكى
ولهان
بحبك متيم
بس الزمن
طلع جبان
خاف لنزيد عليه
هم اتنين بيحبو بعض
طيب وانت مالك ليه
مسيبتناش مع بعض
انا لسه فاكر
شارع صغير
كنت بستناكى فيه
وكان مستنى القمر
او ورد فاتح عنيه

وانا هفضل فاكر مش ناسيكى
هفضل طول حياتى هويكى
وياما اموت على حبك
ياما نار البعد تجفيكى

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad