على ناصية حارتنا بقلم / ميرنا الشربينى في 5:21:00 م مرسلة بواسطة Unknown

على ناصية حارتنا تلاقى الجدع
تلاقى اللى جنبك ف يوم الوجع
تلاقى اللى يهتف ورافع علم
تلاقى اللى واقف بيحمى الهرم
ف القهوة تلاقى اجدع روائى
يرسم و يحكى تاريخ الوطن
وشارعنا مليه................
الف جندى حاميه............
حالف يفديه بالروح والبدن
على ناصية حارتنا
تلاقى صورتنا
على مر السنين
تلاقى الكنايس
بتحضن جوامع
تعرفنا احنا مين
تلاقى ف عيدنا
على ناصية حارتنا
الكل سعيد
تلاقى الزينة مالية الشوارع
وفرحة عيالنا بالتوب الجديد
على ناصية حارتنا
تلاقى الحيطان
حيطة تغنى
وتجمع ف ناسى
وحيطة بتشكى
وتانية تواسى
وبريشة تاريخنا
بنرسم زمان
يتلون بنسر وتلت تلوان
على ناصية حارتنا
تلاقى بلادى
تلاقى اللى دايما
كايدة الاعادى
تلاقى اللى نشرب من نيلها
دى مصر
تلاقى اللى ترسم تاريخ
كل عصر
تلاقى اللى رافعة تملى رايتها
تلاقى اللى واقفة بكل صمود
تلاقى القوية
ودايما عفية
بخيرة شبابها
وخيرة الجنود

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad