نص الكلام تاه مني
في بحور الحزن جوايا
موج البحر يقتلني
استنى مراكب الصبر الجاية
اتاري الصبر غرق مني
واوهامه تعيش في
أقول الوهم حيرني
كل يوم له حكاية
بعيد عن قلبي يسرقني
عن عيون الفرح يبعدني
تتوه مني انا نفسي
تدور عن حلمها في
سراب الشوق لأحبابي
دموع تايهة جوايا
كل ما اقول اليوم يمشي
يجيني اليوم بحكاية
عن الماضي يشغلني
عن يومي اللي معايا
نص الكلام محيرني
منين ابتدي الحكاية؟
من عمري اللي ضاع مني؟
وللا من خوفي ليحرمني
نومي واحلامي سقيع
يعيش في صدري
فراغ الكون جوايا
بحس ان الضحكة تحسدني
لو اضحك تعاتبني
تقول الضحك مش لي
ولو احزن يجيني الضحك
يتفرج على حالي
اضحك وبحور الحزن جوايا
غريب الزمان محيرني
هو عيب اني اني اضحك؟
وللا الضحك مني؟مع صبري
في ايامي اللي كنت احسبها من عمري
اتاري العمر مش لي
كان العمر لأحزاني
وكان الضحك لو اضحك
يكون ضحكي على نفسي
اتاري النفس خداعة
سابت عمري يضيع مني
وخلت ايامي بعيد عني
ياريت الصبر لو عاود
يحكي ليعن عمري
اكيد الصبر يعرف
عني حكاية وحكاية
نص الكلام تاه مني
الحزن جوايا
------------------------------------------------
شاكر محمد المدهون
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: