الدين لله...بقلم الاستاذ__ عبدالنبى رمضان في 4:58:00 ص مرسلة بواسطة مجلة الأدباء والشعراء العرب

الـــديـن لـلـه
إنزل جاهد موت اخوك
اسيادك على كده ربوك
ان الدين له ملك وملوك
إذا كان بينهم هما ملوك
المصرى ميبقاش مملوك

ربنا رب الكون للكل
والمصرى مش راح يتذل
والإسلام فعلا الحل
اسلام ربنا رب الكل
مش اسيادك هما الحل

احنا محمد هو نبينا
إسلامنا واسلام اهالينا
قرآننا نلملم بعضينا
ومحمدنا نصلى نسلم
من مكه لقبره فى المدينه

هى الغيبوبه وخداكم
ولا قساوه وبتتراكم
بتقول للجنه بنتزاحم
على جثة اخويا ومش نادم

إصحو وفوقو يا ولاد بلدى
دى سحابه سوده وهتعدى
انا مصرى ومحدش ادى
وحدود الاسلام على حدى

ريسكم مش هو نبينا
ولا حارس ديننا واهالينا
ده المصرى ربان فى سفينه
ده محمد وف ايده مينا
بقلوبنا بنحمى بعضينا

اللى يقولبالدم نخدها
هى دى جاريه وانتو اسيادها
دى الحره لو ماتو ولادها
الارض تنبت احفادها

تعالو نبنى الايد فى الايد
اسياد مش راح نبقى عبيد
يصبح لينا صبح جديد
شعبنا فيه يصبح السيد

السيد يعنى القلب حديد
السيد يعنى الايد فى الايد
السيد يعنى نهارنا جديد
السيد يعنى العزم شديد

القرآن ربه بيحميكى
وبيهزم على طول اعاديكى
وولادك ايدهم ف أديكى
هنعيش ونموت فيكى وليكى

للشاعر عبدالنبى رمضان

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad