عايش وحدك...بقلم الاستاذ / _محمد الشاعر | مجلة بيت الأدباء والشعراء

عايش وحدك...بقلم الاستاذ / _محمد الشاعر

في 2:07:00 م التسميات: رئيسيه, عامية مرسلة بواسطة مجلة الأدباء والشعراء العرب

عايش وحدك

حاسس انك جوه حدودك تايه وحدك؟؟

مش هنجيلك؟؟ أخرج بره الخوف..هنجيلك

نشرب شايك نسمع نايك تسمع منا ونغنيلك

شايل همك حقنه ف دمك سايب مجدك ينزف تانى؟؟

تسمع صوته من منديلك ؟؟

يحكى بدمعه قصة جمعه

وانت بتشرب ضلمة ليلك؟؟

طيب أخرج لحظه واجيلك أوعى تخلى الخوف يقتلنا

ولاهنخلى سكوتنا سبيلنا

خايف نملك يقتل فيلك ؟؟

خايف غيمه تخبى دليلك ؟؟

قوم وارسمنى تانى سبيلك

قوم وانا اجيلك

وارسم فوق النجمه دليلك

دا أنا عرافك

وانا مجدافك اللى يخلى الموجه تشيلك

ارسم وارسم وارسم تانى فوق الدنيا حكاوى لجيلك

ارسم صوره شمسنا طالعه من قنديلك

وارسم انك بدر ف ليلك

وانا هدعيلك

وهغنيلك

واشرب مية شوق من نيلك

قوم وانا اجيلك

قوم عدينا

قوم قوينا

قوم ورينا راسم صوره مدنه.ومينا

وبتخلينا نعرف بكره.معادنا نجيلك

لسه عاوزنى أسيبك وحدك؟؟؟؟

تبنى همومك تبنى فى لحدك؟؟؟

أنا مش هخدك

أنا من كدك

أنا من بعدك لسه مواطن ساكن سعدك

وانا من سعدك

عاشق جوه الكون مواويلك

عاشق جوه الكون .............مواويلك

...............................................................

بقلم________محمد الشاعر

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

إذا أعجبك الموضوع ،شاركه مع أصدقائك

0 التعليقات:

إظهار التعليقات

:))Blogger ;)) ;;) :DBlogger ;) :p :(( :) :(Smiley =(( =)) :-* :x b-(:-t8-}

جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).