لقلب خالى عايش لوحده
وانا قلبى حُبِكْ هو اللى واخده
منا قلبى عاش طول عمره وحده
عايش و شايل جواه هواه
ما حد غيرك فى يوم هواه
ولا حد قبلك ولا حد بَعْدِكْ
هواه فى قربك ولا حتى بُعْدِكْ
بصى فى عنيا هتلاقى صورتك
عايشه فيها منا رسمتك
راسم خيالك وكمان ملامحك
راسم شفايفك وابتسامتك
فى بُعْدِى عنك شوقى بيظهر
دايما فاضحنى معرفش اصبر
عايش هوايا
وياكى انتى ...
اكتب كلامى وقلبى يسهر
ساهر فى ليلك وليل سماكى
عايش ليالى وحدى معاكى
اناجى طيفك
ونفسى اشوفك
يامتوهانى فى بحور هواكى
حتى كلامك فى ودنى سامعه
صوتك فى قربك او حتى بُعْدِكْ
لاعمرى يوم بعدت عنك
ولا حتى بُعْدِى بعدنى عنك
فهمتى ولّا اكتبلك اكتر.....
انا ممكن اقضى عمرى اغنى
غنوة حب ليكى ما انتى
انتى مِنِّىْ
انت اللى علمتينى اكتب
ولا عمرى هكدب
لو حلفت انك هوايا
لاء منايا
يمكن اكتر
وف حروفى الشوق بيكتر
كل يوم عن يوم بيكبر
كل كلمه فى سطرى ليكى
كل غنوه تنادى عليكى
كل دمعه كل فرحه
عايشها بيكى
مهما طال عمرى هغنى
اغنى لهواكى
ولو كنت يوم اقول انساكى
أكون فى يومها مُتْ ..مش اكتر
كفايه ولّا اكتبلك اكتر ؟
ولا اكدب على نفسى وانكر
بقلم الاستاذ--مصطفى حجازي
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: