لما افتكر
ياه .......لما افتكر
واسرح ........ و انا في الدنيا ديه
و تاخدني أحلامى و أيامى و لياليا الهنيه
بيدق قلبي ...... و ترتعش دمعة عنيّه
ما بتسأليش ليه عنّي ..
لما غبت عن طيبتك شويه ..
وحشتينى.................
يا أغلى حاجه حلوه فيا
بتحسي بــيا ..
لما بيملاني الحنين و يهد فــيا .
انا جوه مني حزن ... عايز يسمعك
من يوم ما كنا في الكلام وبشجعك
وحشتينى...
قال يعني مش عارفه ..... ومش سامعه الندا
طب ليه كده ........
هوه انتي غاليه عليا ليه بالشكل ده ..
هوه انتي ليه في القلب ده ... ساكنه كده ...
ومتأكده ......اني هكون في الصبح على بابك
نايم على اعتابك
ببوس تراب خطوتك .... و اتهادى في رحابك
مش قادر أبعد عن هواكي ليه ولا ثانيه
هوه انتي احلى حاجه في الدنيا ...
ولا الحياه والدنيا دي حاجه تانيه
وانتي لوحدك يا حبيبتي حاجه تانيه..
الصبح م النجمه راجعلك
قولي زاحف ............ قولي طاير
ندهوا عليا وقلت حاضر
أول ما تصحي فوق كفوفك هتلاقيني
واقف بأصلي الفجر ..... حاضر
بقلم الاستاذ /عادل عبدالله
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: